Быйыл СӨ Барламаанын сэттис ыҥырыылаах мунньаҕа байыаннай сулууспалаахтар, байыаннай дьайыылар бэтэрээннэрин дьыалаларыгар, патриоттуу иитии уонна уопсастыбаннай тэрилтэлэр боппуруостарыгар сис кэмитиэти тэрийбитэ. Биллэрин курдук, сис кэмитиэт бэрэссэдээтэлинэн Александр Подголов талыллыбыта. Байыаннай эпэрээссийэ кыттыылаахтара – Саха Сириттэн Арассыыйа бастакы дьоруойа Александр Гаврильевич Колесов уонна “Барс-2” батальон хамандыыра, “Хорсунун иһин уордьан” кавалера Василий Иванович Егоров кэмитиэт чилиэнинэн буолбуттара.
Анал байыаннай дьайыы бастакы күннэриттэн Донбасс олохтоохторугар, биһиги байыастарбытыгар улаханнык көмөлөспүт дьон Иван Луцкан, Светлана Давыдова, Николай Бугаев, Виталий Чикачев норуот дьокутааттарынан талыллыбыттара бэйэтэ элбэҕи этэр.
Айсен Николаев байыастарбытыгар тустаах көмөнү оҥорбут уонна оҥоро сылдьар норуот дьокутааттарыгар улахан махталын биллэрдэ.
Мунньахха байыаннай сулууспалаахтарбытын уонна кинилэр дьиэ кэргэттэрин өйөөһүн үлэтэ хайдах салгыы барыахтааһын туһунан кэпсэттилэр.
-
0
-
0
-
0
-
0
-
0
-
0
