Ол туһунан кини ааспыт нэдиэлэҕэ ыытыллыбыт куораттар оройуоннар, нэһилиэктэр баһылыктара, дьокутааттар Сэбиэттэрин бэрэссэдэтэллэрэ кыттыылаах мунньахха иһитиннэрдэ.
Бу аахсыйа өрөспүүбүлүкэтээҕи биир кэлим координациялыыр Киин оперативнай ыстааба уонна Донбааһы өйүүр, көмөлөһөр Хотугулуу-Илиҥҥи пуонда көҕүлээһиннэринэн тэриллэр. Билигин саҕаланан, Саха Өрөспүүбүлүкэтин судаарыстыбаннаһын Күнүгэр уонна норуот сомоҕолоһуутун Күнүгэр ананан ыытыллар.
Александр Григорьевич бэлиэтээбитинэн, көмөнү хомуйуу көҥүллүк барар, алтынньы ый бүтүөр диэри салҕаныаҕа: “ Балаҕан ыйын 27 күнүгэр – Өрөспүүбүлүкэбит судаарыстыбаннаһын Күнүгэр диэри биһиги байыастарбытыгар маҥнайгы баартыйаны ыытарга суоттанабыт. Көмөнү биир кэлим координациялыыр Киин бэрэстэбиитэллэрин нөҥүө алтынньы ый бүтүөр диэри туттарыахха сөп. Киирбит көмө барыта отчуоттаныаҕа, ол иһигэр сонуннары киэҥник тарҕатар сириэстибэлэр нөҥүө ”, - диэн бары хомуллубут көмө хас биирдии байыаска аадырыстанан туттарыллыахтааҕын бэлиэтээтэ.
Аахсыйа чэрчитинэн хомуллар харчынан көмө Анал байыаннай дьайыы кыттыылаахтарыгар матырыйаалынай сириэстибэлэри атыылаһыыга туттуллуоҕа. Ол курдук, суумкалар, быыһыыр сабыылар, Хатастааҕы сублимированнай собо миинэ, атахха туттуллар спрейдэр, жгуттар, атах кырынардар, хааны тохтотор губкалар, водород перекиһэ, израиль бандааһа, рулоннаммыт лейкопластырь уо.д.а.
Бу тэриллэр, бородуукта барыта хас биирдии байыаска аадырыстанан туттарыллара мэктиэлэнэр.
Хаартыскалар куйаар ситимиттэн ылылыннылар
-
0
-
0
-
0
-
0
-
0
-
0
