Арассыыйа сүүмэрдэммит хамаандатын (RPC (Russian Paralympic Committee)) бастакы мэтээлин 100 м ыраах дистанцияҕа үһүс миэстэлэммит Владимир Даниленко ылла. Өссө биир боруонса мэтээли 100 м ыраах дистанцияҕа үһүс миэстэни баттерфляйга ылбыт Дария Пикалова буолла. Оттон үрүҥ көмүс мэтээл хаһаайына 100 м ыраах дистанцияҕа иккис миэстэни Андрей Николаев ситистэ.
Кыһыл көмүс мэтээллэри Валерий Шалин (100 м баттерфляй) уонна Роман Жданов (50 м брасс) аан дойду рекордтарын олохтоон кыайыыны ситистилэр. Биир суотай сөкүүндэ бириэмэ аан дойдутааҕы рекорду хатылыырга Анастасия Гонтарьга (50 м) тиийбэтэ, ол гынан баран, көмүһү ыларын ылла.
Ыспыраапка
Паралимпиадаҕа кыттарга Арассыыйа хамаандатын бүтэһиктээх састаабыгар дойду 50 эрэгийиэниттэн 241 спортсмен киирбитэ (129 эр киһи уонна 112 дьахтар). РФ спортсменнара успуорт 19 көрүҥэр мэтээл иһин киирсиэхтэрэ.
Арассыыйа сүүмэрдэммит хамаандата күрэхтэр бастакы күнүн кэннэ мэтээлинэн зачекка үһүс миэстэни ылар. Австралия хамаандата (6-1-3), иккис дьоппуоннар (5-1-2) буолаллар. Босхо быһа эпиирдэри, видеолары уонна ырытыылары «Матч ТВ» саайтка https://matchtv.ru/, ону сэргэ «Матч ТВ» приложение нөҥүө смартфоҥҥа көрүөххэ сөп.
Санаттахха, Токиотааҕы Паралимпийскай оонньуулар балаҕан ыйын 5 күнүгэр түмүктэниэхтэрэ. Японияҕа барыта 539 кэмпилиэк наҕараада оонньонуоҕа. Паралимпиадаҕа Саха сирин кыргыттара Анастасия Диодорова (харбааһыҥҥа), Степанида Артахинова (ох саанан ытыыга), Алена Дмитриева (олорон эрэ волейболга) кытталлар.
- 0
- 0
- 0
- 0
- 0
- 0