Оттон олорор дьиэ фондатыгар ититиини биэриини балаҕан ыйын 6 күнүттэн саҕалыахтара. Ылыллыбыт сорук балаҕан ыйын 10 күнүгэр диэри хойутаабакка түмүктэниэхтээх. Салгын орто температурата биэс күн устата +8° кыраадыс бэлиэтэнэр түгэнигэр, дьиэ сылааһын суһаллык холбуохтара.
Киин куорат дьаһалтатын дааннайынан, 2523 элбэх кыбартыыралаах дьиэлэргэ ититэр уу систиэмэтэ ыраастанна, былааннаммыт 2695 олорор дьиэлэртэн 94%-на туолла. Кыстыкка бэлэмнэрин туоһулуур пааспары уопсайа 1258 дьиэттэн 902-тэ ылла. Оттон 375 социальнай суолталаах эбийиэктэртэн пааспары 236 тэрилтэ ылары ситистэ.Бырыһыанынан көрдөрүү 95%-ҥа тэҥнэстэ.
Дьокуускайга барыта итиитиини хааччыйар 17 тэрилтэ баар, манна 79 хочуолунай үлэлиир. Коммунальнай хаһаайыстыба эбийиэктэрин бэлэмэ 70%-ҥа тэҥ.
-
0
-
0
-
0
-
0
-
0
-
0
