Илиигэ хаалар дохуот (реальные располагаемые денежные доходы) диэн булгуччулаах төлөбүрдэри оҥорбутун кэннэ бэйэҕэр хаалар үп-харчы. Сыл аҥаарыгар ол көрдөрүү 4 % аччаабыт.
Ааспыт сыл сааһыттан Росстат дохуот туһунан иһитиннэриилэри кыбаартал аайы оҥорор этэ. Кэлин тэрилтэ дохуоту саҥа ньыманан ааҕа олорор. Онон 2013-2018 сс. чинчийэн көрбүт уонна субу кэрдиис кэм устата илиигэ хаалар дохуот муҥутаабыта 5,6 % түһэ сылдьыбытын аахпыт. Былырыын дохуот, коронавирус иннинэ, олох да 1 % үрдүү сылдьыбыт эбит.
Сбербаан ааҕарынан, кулун тутар-ыам ыйдарыгар үлэлиир дьон дохуота биллэ түспүт. Ол гынан баран, бэс ыйыттан көнөн киирэн барбыт.
– Судаарыстыба көмөтө кэмигэр оҥоһулунна. Дохуота түспүт киһи уопсай ахсааныттан 10 %-на социальнай төлөбүрдэргэ тигистэ. Биирдиилээн ыаллары ылан көрдөххө, судаарыстыба көмөтө биллэ улахан буолла. Социальнай көмө оҕо ахсаанынан оҥоһуллубут буолан, үлэлиир уонна үлэлээбэт дьахталлар тэҥинэн улахан көмөҕө тигистилэр, – диэн Сбербаан испэсэлиистэрэ иһитиннэрдилэр.
- 0
- 0
- 0
- 0
- 0
- 0