Бу суолталаах күҥҥэ Арассыыйа тутулуга суох идэлээх сойуустарын федерацията (ФНПР) «Килбиэннээх үлэ -- Кыайыы мэктиэтэ!» диэн девиһинэн быйылгы 1 Маайдааҕы аахсыйаны ыытта.
Маннык дьоһун хамсааһыҥҥа кыттыһан, Таатта улууһугар үлэ кэлэктииптэринэн ырааһырдыы суобуотунньуктара тэрилиннилэр. Ону таһынан, бу күҥҥэ сөп түбэһиннэрэн, Улуу Кыайыы 80 сылынан, Кыайыы болуоссатын саҥа аарката үөрүүлээх быһыыга-майгыга аһылынна. Манна улуус баһылыга Айаал Бурцев биир дойдулаахтарын үлэнэн дьүөрэлэнэр Кыайыы үктэлин күнүнэн тэрээһин кыттыылаахтарын эҕэрдэлээтэ уонна Кыайыыны уһансыбыт тыыл бэтэрээннэригэр Мария Николаевна Огочуяроваҕа, Елена Константиновна Васильеваҕа, Лидия Ивановна Тихоноваҕа, Жарап Агапитович Оросиҥҥа «Кыайыы 80 сыла» мэтээли уонна Кыайыы илгэлээх чороонун туттарда.
Манна даҕатан суруйдахха, күн бэҕэһээ, улуус баһылыгын социальнай боппуруостарга солбуйааччы Святослав Сунхалыров, бэтэрээннэр улуустааҕы сэбиэттэрин бэрэссэдээтэлэ Маргарита Попова, дьахталлар сэбиэттэрин бэрэссэдээтэлэ Варвара Будикина, итиэннэ улуустааҕы социальнай көмүскэл управлениетын салайааччыта Михаил Тарасов, Таатта нэһилиэгин бэтэрээннэрин сэбиэтин бэрэссэдээтэлэ Мария Бондарева «Сатабыл» оҕо айымньытын дьиэтин оҕолорун кытары 17 тыыл бэтэрээннэригэр дьиэлэринэн сылдьан эҕэрдэлээбиттэрэ.
Салгыы бүгүҥҥү тэрээһиннээх күнүнэн улуустааҕы дьокутааттар мунньахтарын бэрэссэдээтэлэ Петр Максимов, Таатта нэһилиэгин баһылыга Егор Павлов, үөрэх салаатын идэлээх сойуустарын бэрэссэдээтэлэ Прокопий Борисов тыл эттилэр, улуус олохтоохторун эҕэрдэлээтилэр.
Ырыаһыт, мелодист Михаил Варламов төрөөбүт тапталлаах Тааттабыт туһунан ырыатынан, үлэ кэлэктииптэрэ ырааһырдыы субуотунньугар туруннулар.
Бу курдук, биир сомоҕо буолан, үлэнэн кыайыыга дьулуһабыт!
Хаартыскаларга ааптар түһэриитэ
-
3
-
1
-
0
-
0
-
0
-
0
