Арассыыйа Бэрэсидьиэнэ Владимир Путин суол быраабылатын кэһии иһин холуобунай накаастабылга тардыы туһунан сокуоҥҥа илии баттаата. Докумуон официальнай быраап порталыгар таҕыста.
Кини этэринэн, холуобунай эппиэтинэс, 60-тан тахса км/ч түргэн сырыы, массыына утары балаһанан айаннааһын, эбэтэр трамвай сырыы балаһатыгар утары тахсыы иһин туттуллуоҕа. Ол эрэн, буруйдаах суоппардар урут иккитэ административнай эппиэтинэскэ түбэспиттэргэ уонна массыына ыытар быраабыттан быһыллыбыттарга суол быраабылатын кэһии иһин туттуллуоҕа. Маннык түбэлтэҕэ ыстарааба - 200-тэн 300 тыһ.солк. диэри, оттон муҥутуур эппиэтинэһэ - икки сылга диэри көҥүлэ быһыллар.
Өскөтүн суоппар урут бу ыстатыйаҕа буруйданан баран, өссө эбии кэһии таһаардаҕына ыстарааба - 300-тэн 500 тыһ. солк. диэри, оттон муҥутуур эппиэтинэһэ - үс сылга диэри көҥүлэ быһыллар.
РФ Холуобунай кодексын саҥа ыстатыйатынан, суол камераларынан уһуллубут кэһиилэр бу сокуоҥҥа тарҕамматара чуолкайданар.
Санатан эттэххэ, ахсынньы 22 күнүгэр Госдума бүтэһиктээх ааҕыыга туһааннаах сокуону ылыммыттара, онтон икки хонугунан Федерация сэбиэтигэр биһирээбиттэрэ.
-
0
-
0
-
0
-
0
-
0
-
0
