Издательский дом Редакция Подписка
Погода в Якутске: . 10 oC

Ил Түмэн дьокутааттара Бүлүү бөлөх улуустарынан дьон-сэргэ олоҕун-дьаһаҕын уонна сүрүн кыһалҕаларын билсэр сыаллаах айаннара салҕанар.

Ил Түмэн дьокутааттара Бүлүү бөлөх улуустарынан дьон-сэргэ олоҕун-дьаһаҕын уонна сүрүн кыһалҕаларын билсэр сыаллаах айаннара салҕанар.

Ол курдук, бүгүн Үөһээ Бүлүү улууһугар оробуочай сырыы чэрчитинэн Ил Түмэн Бэрэссэдээтэлэ Алексей Еремеев, Ил Түмэн бэйэни салайыныы сис кэмитиэтин бэрэссэдээтэлэ Владимир Прокопьев, Ил Түмэн наукаҕа, үөрэҕириигэ, култуураҕа, маассабай информация сириэстибэлэригэр уонна уопсастыбаннай тэрилтэлэр дьыалаларыгар сис кэмитиэт бэрэссэдээтэлэ Феодосия Габышева Үөдүгэй нэһилиэгэр тутулла турар Спортивнай единоборство универсальнай комплексыгар сылдьан эбийиэк түргэнник үлэҕэ киирэригэр сүбэ-ама биэрдилэр. Спортивнай комплекска буокса, тустуу, оҕунан ытыы уо.д.а. көрүҥнэргэ оҕолору дьарыктыахтаахтар.

Ол кэннэ дьокутааттар дэлэгээссийэлэрэ Үөһээ Бүлүүтээҕи техникумҥа сылдьан үөрэх хаамыытын билистилэр уонна туох кыһалҕа баарын сурастылар. Үөрэх кыһатыгар – ойуур уонна ойуурдаах паарка хаһаайыстыбата; лабараан-аналитик; дьиэ-уот коммунальнай хаһаайыстыбатын маастара; массыынаны өрөмүөннүүр уонна хааччыйар маастар; ыксаллаах быһыыга көмүскээһин курдук хайысхаларынан үөрэтии ыытыллар. Техникумҥа өрөспүүбүлүкэ араас улуустарыттан устудьуоннар үөрэнэ сылдьаллар.

Социальнай эбийиэктэргэ сылдьан баран Ил Түмэн дьокутааттара Үөһээ Бүлүү улууһун салалтатын кытары 2022 сыл түмүктэрин уонна 2023 сыл соруктарын туһунан мунньахтаатылар. Мунньаҕы Ил Түмэн Бэрэссэдээтэлэ Алексей Еремеев, Үөһээ Бүлүү улууһун баһылыга Владимир Поскачин уонна Үөһээ Бүлүү улууһун дьокутааттарын сэбиэтин бэрэссэдээтэлэ Николай Николаев салайан ыыттылар. Улуус бас-көс дьоно, дьокутааттара, учуонайдар, урбаанньыттар ыалдьыттарга кыһалҕаларын туһунан эттилэр.

Устуоруйа наука дуоктара Никита Архипов араас эйгэлэргэ сыһыаннаах ыйытыылары биэрдэ уонна критическэй бэлиэтээһиннэри оҥордо.

Далыр нэһилиэгин баһылыга Георгий Иванов сүһүөх ыарыытын аныгы медицина антивоспалительнай уонна обезболивающай эмтэринэн эрэ эмтиир, дьиҥ төрүөтүн эпэрээссийэ эрэ көмөтүнэн быратыастаан суох гынар диэн эттэ. Кини ити хайысхаҕа медицина наукатыгар дириҥ чинчийии барыахтааҕын бэлиэтээтэ.

Улуус сэбиэтин дьокутаата, 8-с №-дээх «Алёнушка» дьыссаат дириэктэрэ Александра Михайлова оҕолор кэнники бириэмэҕэ ыалдьаллара, балыыһаҕа киирэллэрэ элбээбитин эттэ. Онуоха нэһилиэккэ үлэлиир оҕо балыыһата билиҥҥи ирдэбилгэ эппиэттээбэт. Оҕо саадын дириэктэрэ сытыытык турбут боппуруос хаһан хамсыырын, үбүлэнэрин ыйытта.

Феодосия Габышева үөрэх тэрилтэлэригэр, урукку курдук, медицинскэй үлэһит баар буолуохтаах диэн Ил Түмэн федеральнай таһымҥа атын субъектары кытта бииргэ улаханнык туруорсубутун эттэ. Инньэ гынан, сокуон уларыйа илик да буоллар, бэрэсидьиэн Владимир Путин үөрэх тэрилтэлэригэр профилактическай үлэни ыытар медиктэр баар буолуохтаахтар диэн этэн турардаах.

Түмүккэ Алексей Еремеев мунньах кыттыылаахтарыгар сонун идиэйэлэри биэрбиттэригэр махтанна уонна тыа хаһаайыстыбата, медицина, үөрэх, култуура курдук тыын хайысхаларынан үлэ салгыы ыытыллыаҕа диэн эттэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Общество

Атыылаһааччы аҕыйаабат

Сандал сааспыт кэлэн массыыналаахтар кыыдааннаах кыһын устата тоҥон турбут көлөһөрүн…
24.05.24 07:19
Общество

Хотуттан үүнэн-сайдан

Ыам ыйын 21 күнүгэр, “Полярник күнүн” көрсө, “Саха Сирин Аартыката” эрэгийиэннээҕи…
24.05.24 07:11
Уопсастыба

Киин көмөлөһөр

«Берегиня» дьиэ кэргэҥҥэ оҕону иитиигэ көмөлөһөр киин Дьиэ кэргэҥҥэ элбэх өҥөнү оҥорор…
23.05.24 15:28