Хомунаалынай хаһаайыстыбата миниистирэ Дмитрий Садовников 2026 сылга диэри бөҕү кутар саҥа полигон тутуллуохтааҕын туһунан иһитиннэрдэ. Бырайыак бастакы түһүмэҕэр Бүлүүлүүр аартык 27 км саҥа бөҕү кутар сири оҥоруохтара, иккис түһүмэҕэр – бөҕү суортуур, араарар ыстаансыйа бырайыага оҥоһуллуо.
Билигин Бүлүүлүүр аартык 27 км сирин-уотун чинчийэр үлэлэр бара тураллар. Ити үлэ 2020 сыл IV кыбаарталыгар түмүктэнэрэ күүтүллэр.
Премьер э.т. саҥа бөҕү кутар сир инфраструктуратын эбийиэктэрэ ситэ чопчуламматахтарын ыйда уонна бырайыакка саҥа технологиялары киллэрэн биэрэр наадатын туһунан этии киллэрдэ.
Бу күннэргэ Андрей Тарасенко үлэлиир бөлөх тэрийэн, саҥа бөҕү кутар сир оннун баран көрүөҕэ.
СӨ Ил Дарханын уонна бырабыылытыстыбатын пресс-сулууспатын матырыйаалынан.
- 0
- 0
- 0
- 0
- 0
- 0