Бу туһунан тустаах сокуон барыла бастакы ааҕыыны ааспыт. Оҕолоро балыыһаҕа сытан эмтэнэр кэмигэр кинилэри арыаллыыр төрөппүттэри олордуу уонна аһатыы босхо буолара былааннанар.
– Оройуон киинин биитэр улахан куораттар балыыһаларыгар өр кэмҥэ сытан эмтэнэр оҕолоох төрөпүттэр оҕолорун кытары бииргэ буолалларын үксүгэр үп-харчы кырыымчыга мэһэйдээччи. Дьиҥинэн инбэлиит оҕолорго чуолаан маннык кэмҥэ чугас дьоннорун көмөтө-өйөбүлэ олус наада, – диэн Вячеслав Володин өссө эрдэ бэлиэтээн турар.
Судаарыстыбаннай Дуума Бэрэссэдээтэлэ билигин түөртэригэр диэри саастаах кыра оҕолор уонна онтон аҕа саастаах, доруобуйаларынан хааччахтаах оҕолор төрөппүттэрэ оҕолорун кытары балыыһаҕа босхо сыталлара көҥүлэммитин этэр.
– Маны таһынан, ыарыһах оҕолор реанимацияҕа, сааһыттан тутулуга суох, эмиэ чугас аймахтарын кытары киирэллэрэ эмиэ көҥүллэннэ, – диэтэ Вячеслав Володин.
Бу туһунан Ил Түмэн сайта иһитиннэрэр.
-
0
-
0
-
0
-
0
-
0
-
0
