Издательский дом Редакция Подписка
Погода в Якутске: . 15 oC

Сүөһү ноһуомун дьайыы, хомуйуу быраабылатын кэһии иһин 450 тыһ. солк. диэри ыстараап олохтонуоҕа.

Сүөһү ноһуомун дьайыы, хомуйуу быраабылатын кэһии иһин 450 тыһ. солк. диэри ыстараап олохтонуоҕа.

Итинник сокуон барылын Госдума Тутууга уонна сокуону оҥорууга кэмитиэтэ бастакы ааҕыыга ылылларыгар сүбэлээтэ. Бу туһунан Госдума Аграрнай боппуруостарга кэмитиэтин бэрэссэдээтэлэ, сокуон барылын көҕүлээһинин хос ааптара Владимир Кашин (РФКП) иһитиннэрдэ.

Докумуоҥҥа суруллубутунан, «Сүөһү иитиитигэр ирдэбили тутуһуу» 10.8.1 ыст. административнай Кодексатыгар уларытыылары уонна эбиилэри киллэрии былааннанар. Бу сүөһү уонна көтөр ноһуомун туһунан этиллэр.

01d74198ee000627c99e36cf88a7ad0e

Ол курдук, дьокутааттар харайыы, тиэйии-таһыы уонна атыылыыр ирдэбиллэрин тутуспат иһин 30-тан 40 тыһ.солк. диэри дуоһунастаах сирэйдэргэ, 50-тан 60 тыһ. солк. диэри урбаанньыттарга, 250-тан 350 тыһ. солк. диэри юридическай сирэйдэргэ административнай ыстарааптары олохтуур баҕалаахтар. Сыл устата буруйу иккис төгүлүн оҥоруу иһин 40-50 тыһ. дуоһунастаах сирэйдэргэ, 60-70 тыһ. урбаанньыттарга, итиэннэ 350-450 тыһ. солк. диэри хампаанньалары ыстарааптыыр туһунан этиллэр.

Хос быһаарыы

Сибиһиэй ноһуом - сүөhү сааҕа. Кур ноһуом (кии) - бытаан дьайыылаах уоҕурдуу, тоҕо диэтэххэ, ноһуомҥа баар туустары үүнээйи сытыйан, үрэллибитин эрэ кэннэ иҥэринэр.

2022 с. от ыйын 14 күнүнээҕи дойду Бэрэсидьиэнэ илии баттаабыт сокуонун быһыытынан, тыа хаһаайыстыбатын сүөһүтүн, көтөрүн ноһуомугар  сыһыаннаах бары көрүҥ эттиктэрэ киирэллэр. Сокуону оҥорууга төрүөтүнэн 3-5- с кылаастарга куттал суох буолуутугар эбэтэр тиэйиигэ быраап суох буолуутугар этэ.

Оттон Владимир Кашин хос быһаарарынан, маннык ирдэбиллэри кэһии иһин тэрилтэлэр уонна бааһынай хаһаайыстыбалар (пиэрмэрдэр) эрэ ыстарааптаналларын туһунан чуолкайдаата.

2023 02 15 15 06 39

- Уоҕурдуу үүнүүнү үрдэтэр, - диир дьокутаат. Ол курдук, билигин 60 %-тан тахса сибиинньэ уонна көтөр-сүүрэр иитэр тыа хаһаайыстыбатын тэрилтэлэрэ уоҕурдууну тус бэйэлэрэ толору оҥорон таһаараллар. Ол гынан, эппиэтинэһэ суох сыһыаннастахха, буорга улахан хоромньуну таһаарыан сөп. - Квадратнай миэтэрэҕэ итиччэ элбэх уоҕурдууну уонна агрохимикаттары куттахха, сир хас эмэ сылларга туһатыттан ааһар. Эбэтэр, холобур, испиэскэҕэ (оппуоха) кубулуйар.  Нуорманы аһара үрдэттэххэ, сир биологическай эйгэтин уматар уонна таҥнарытын буортулуур, - диэн парламентарий бэлиэтиир.

Санаттахха, былырыын сэтинньи ыйыгар дойду Бырабыыталыстыбата саҥа ирдэбиллэри ылыммыта быйыл кулун тутар 1 күнүгэр күүһүгэр киириэҕэ уонна алта сыл устата үлэлиэҕэ. Саҥа ирдэбиллэринэн маҥнайгытынан тыа хаһаайыстыбатын салаатыгар харайыы, тиэйии-таһыы уонна атыылыыр көрүҥнэр түһүмэхтэрин киллэрэр. Маны сэргэ сүөһү иитиитигэр тобохторунан ааҕыллар ирдэбиллэри кэһии көрүҥнэрин испииһэгэ бигэргэммитэ. Быраабылалары тутуһууну Россельхознадзор хонтуруоллуоҕа.

Дьокутаат билигин итинник кэһиилэр иһин эппиэтинэскэ тардыы таһыма олус сэдэх буоларын ыйда. Сүрүннээн хоромньуну бөдөҥ хаһаайыстыбалар оҥоруохтарын сөп. – Холобур, 200 тыһ.төбөҕө сибиинньэ иитэр комплексын тобохторо (ноһуома)  50 тыһ. кэриҥэ киһилээх куоракка тэҥнээх, - диэн бэлиэтээтэ Владимир Кашин.

  • 3
  • 0
  • 0
  • 0
  • 0
  • 3

Комментарии (1)

This comment was minimized by the moderator on the site

Штрафа улахана да сөхтөрдө, мөлүйүөн аҥаара диэн элбэҕэ да бэрт. Бу оннугар тыа сиригэр сүөһү иитиитигэр үгүс элбэх өйөбүл оҥоруохха наада

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Ньурбалар - Аммаҕа

Бүгүн, бэс ыйын 21 күнүгэр, Аммаҕа Олоҥхо ыһыаҕын иккис күнэ күөрэйэн таҕыста. 
21.06.24 10:49
Закон и жизнь

Повысят военные пенсии

С 1 октября 2024 года пенсии военным пенсионерам повысят на 5,1 процента. Соответствующий…
21.06.24 09:44