Издательский дом Редакция Подписка
Погода в Якутске: . 10 oC

Бэҕэhээ, сэтинньи 13 күнүгэр, Саха Өрөспүүбүлүкэтин маҥнайгы бэрэсидьиэнэ, судаарыстыбаннай сүбэhит Михаил Николаев анал истипиэндьийэтин быйыл сүүрбэhис төгүлүн бастыҥ үөрэнээччилэргэ уонна уhулуччулаах үлэлээх педагогтарга туттардылар. Саха сирин Аан Дархана өрөспүүбүлүкэтээҕи медиа-кииҥҥэ быhа сибээскэ тахсан, кыайыылаахтары эҕэрдэлээтэ уонна баҕа санаатын тиэртэ.

Бэҕэhээ, сэтинньи 13 күнүгэр, Саха Өрөспүүбүлүкэтин маҥнайгы бэрэсидьиэнэ, судаарыстыбаннай сүбэhит Михаил Николаев анал истипиэндьийэтин быйыл сүүрбэhис төгүлүн бастыҥ үөрэнээччилэргэ уонна уhулуччулаах үлэлээх педагогтарга туттардылар. Саха сирин Аан Дархана өрөспүүбүлүкэтээҕи медиа-кииҥҥэ быhа сибээскэ тахсан, кыайыылаахтары эҕэрдэлээтэ уонна баҕа санаатын тиэртэ.

Тэрээhиҥҥэ М.Е.Николаев олохтообут «Знанием победишь» («Билиигинэн кыайыаҥ», «Scientia vinces») истипиэндьийэлээх бириэмийэтэ Саха сирин талааннаах ыччатын уонна үлэҕэ, үөрэххэ, билимҥэ дьоҕурдаах уhуйааччыларын өйүүр наҕараада эрэ быһыытынан буолбакка, аан дойду таhымыгар суолталанар кыахтаммытын бэлиэтээтилэр.  Ол курдук, инникитин үөрэхтээhин, култуура уонна ускуустуба сайдыытыгар дьоhун кылааттарын киллэрсибит дойду уонна атын омук судаарыстыбаларын гражданнара эмиэ хапсыахтара.

«Михаил Ефимовичтыын эйгэлэһэн үлэлиир дьоҥҥо сэтинньи 13 күнэ – ураты даата. Биһиги өр сылларга нациябыт духовнай лиидэрин, дьиҥ патриотун уонна инникини өтө көрөр дьоҕурдаах салайааччыны кытта алтыһарбытынан киэн туттабыт уонна олус күндүтүк саныыбыт. Кини сүбэтин, кыһалҕалаах боппуруостарга чопчу этиилэрин, тустаах кэмҥэ өйөбүл буолар үтүө тылларын иһин махтанар күммүт тосхойдо», – диэн эттэ СӨ «Үүнэр көлүөнэ» тус сыаллаах пуондатын генеральнай дириэктэрэ Владимир Егоров.

IMG_20211113_173818-960x640.jpg

Ааспыты аҕыннахха, кырдьык, 1990-с сылларга өрөспүүбүлүкэни саҥа таһымҥа олохтуур кэмҥэ, «Үүнэр көлүөнэ» пуондатын нөҥүө норуот кэскилин түстэһэр дьоһуннаах дьаһаллар ылыллыбыттара. Талааннаах ыччаты сайыннарар, аан дойду таһымыгар таһаарар сыаллаах тосхол тутуһуллан, оччолорго чугас эргин ханна да суох тэрилтэлэр олохтоноллор: «Өлүөнэ кыраайа» физико-математическай пуорум, Муусука үрдүкү оскуолата, Хореографическай уонна Олимпийскай резервэ училищелара уо.д.а. Бу дириҥ суолталаах үөрэх кыhалара эдэр дьону бары өттүттэн уһуйар, сайыннарар эрэ өҥөлөөх буолбатахтар, Сахабыт сирэ инники күөҥҥэ дьулуhарыгар ураты ис хоһоонноммуттара.

Михаил Николаев киирии тылыгар үөрэх эйгэтэ киhи хараахтыра чочулларыгар улахан суолталааҕын, маны таhынан киhи аналын, дьылҕатын быhаарар оруоллааҕын бэлиэтээтэ. «Бүгүн наҕараадаламмыттар үксүлэрэ кэриэтэ иэдэлэригэр хайысхаламмыттара, дьарыктарын, үлэлэрин бэйэлэрин баҕаларынан таба тайаммыттара көстөр», – диэт хайҕаата уонна махтанна маҥнайгы бэрэсидьиэн.

2d3eb0bd-be25-47a9-a9ff-d556bda93446.jpg

Саалаҕа мустубут ыалдьыттары уонна истипиэндьийэ хаhаайыттарын Саха Өрөспүүбүлүкэтин Ил Дархана Айсен Николаев аатыттан кини көмөлөһөөччүтэ, «Знанием победишь» бириэмийэ уопсастыбаннай хамыыhыйатын бэрэссэдээтэлэ Афанасий Ноев эҕэрдэлээтэ уонна аҕа баhылык илдьитин тиэртэ. «Бириэмийэ кыайыылаахтара бэйэлэрин билиилэринэн уонна сатабылларынан, дьулуурдарынан уонна дьүккүөрдэринэн дойдубутун аатырда, Сахабыт сирин социальнай-экэнэмиичэскэй сайдыытыгар кылааттарын киллэрсэ сылдьаллара оруннаах», – диэн бэлиэтээбит Айсен Николаев.

P1160553.jpg

Афанасий Иванович кэпсээбитинэн, быйыл куонкуруска 51 сайаапка киирбититтэн, 33-hэ оскуола үөрэнээччитэ уонна орто, үрдүк үөрэх кыhаларын устудьуона, онтон 18-hа педагог уонна үөрэх эйгэтин үлэhитэ. Уопсайа 20 сыл иhигэр истипиэндьийэни 66 педагог уонна 48 үөрэнээччи ылбыт.

«Анал истипиэндьийэни туттарыы кыттааччылары эрэ буолбакка, уопсайынан Сахабыт сирин бары олохтоохторун үрдүккэ, билии-сайдыы эйгэтигэр туhаайар, хайысхалыыр аналлаах. Маныаха сылтан сыл куонкурус тыҥааhыннанан, сытыырхайан иһэрэ бэлиэтэнэр. Ол, биллэн турар, киритиэрий үрдүүрүгэр, таhым тахсыытыгар тиэрдэр», – диир Афанасий Ноев.

P1160518.jpg

«Знанием победишь» истипиэндьийэ 2021 сыллаах лауреаттарынан ааттаннылар: Виталий Кырелов – Сунтаардааҕы полехническэй лицей-интэринээт 11 кылааhын үөрэнээччитэ; Валерия Матросова – Мэҥэ-Хаҥалас улууhун А.С.Шахурдин аатынан Төҥүлү орто оскуолата; Алисия Пак – Аксения уонна Наталья Посельскайалар ааттарынан Дьокуускайдааҕы балет оскуолатын (училищетын) устудьуона, Марина Алексеева – Хаҥалас улууhун Өктөмнөөҕү научнай үөрэх киинин дириэктэрин научнай-методическай үлэҕэ солбуйааччы; Игорь Захаров – В.А. Босиков аатынан Муусука үрдүкү оскуолатын (институтун) концертмейсера.

bacde10e-201c-4074-b355-392c467a9626.jpg

«Миэхэ бу истипиэндьийэҕэ тиксии – үрдүк сыанабыл. Аан маҥнай истэн баран итэҕэйбэтэҕим. Кырдьык, олус үөрдүм уонна долгуйдум. Тоҕо диэтэр Михаил Ефимович ыччакка холобур буолар бөдөҥ личность. Салгыы билим хайысхатынан утумнаахтык дьарыктанарбар тирэх уонна өйөбүл буолуо дии саныыбын. Махталбын тиэрдэбин научнай салайааччыбар Р.Г. Алексееваҕа, төрөппүттэрбэр, Билим аччыгый академиятыгар уонна «Үүнэр көлүөнэ» тус сыаллаах пуондаҕа», – диэн харда тылын уонна махталын этэр Виталий Кырелов.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

4213 сайабылыанньа киирдэ

Халаан уутуттан эмсэҕэлээбит Нам, Өлүөхүмэ, Ньурба улуустарыттан 4000-тан тахса киһи…
27.05.24 17:15