Саҥа управление Хотугу муора суолун акваториятыгар ааллар сырыыларын салайыы боломуочуйатын кииннииргэ итиэннэ муораҕа ааллар сырыылара куттала суох буолуутун үрдэтэргэ тирэх буолуоҕа.
Хотугу муора суолун сүрүн управлениета бүддьүөттэн үбүлэнэр федеральнай судаарыстыбыннай тэрилтэ киэбинэн тэриллиэҕэ. Тэрийээччи -- «Росатом» судаарыстыбаннай корпорация.
Арассыыйа Европатааҕы чааһыттан Уһук Илиҥҥэ диэри айанныырга соҕурууҥҥу суолунан хас да материгы, хас да акыйааны туоруурдааҕар, Хотугу муора суолунан – быдан быһа. Карскай Боруотаттан (Баренцов уонна Карскай муоралары ситимниир Вайгач уонна Новая Земля арыылар икки ардыларынааҕы силбэһииттэн) Чукоткаҕа баар Өтө көрүү (Провидения) хомотугар диэри 5,6 тыһыынча километр.
Сааҥсыйа дьайыытын кэмигэр Хотугу муора суолун сөргүтэн сайыннарыы судаарыстыба сүрүн чорботор соруга буоларын туһунан Михаил Мишустин өссө эрдэ тоһоҕолоон бэлиэтээбитэ. Кини этэринэн, Арассыыйа бородууксуйатын эйэлии сыһыаннаах дойдуларга таһаарарга итиэннэ онтон наадалаах табаардары аҕаларга бу маршрут көдьүүстээхтик туһаныллыан сөп. Бэрэсидьиэн Владимир Путин сорудаҕынан, Бырабыыталыстыба Хотугу муора суолун 2035 сылга диэри сайыытын былаанын ырытан оҥордо. Докумуон сотору кэминэн бигэргэниэҕэ диэн government.ru иһитиннэрэр.
-
0
-
0
-
0
-
0
-
0
-
0
