Дьаарбаҥка-бэстибээли «Норуоттар икки ардыларынааҕы кэпэрээссийэ уонна экспорт» национальнай бырайыак чэрчитинэн, Арассыыйа экспертнэй киинэ тэрийэр. Аһы-үөлү оҥорон таһаарыыга идэтийэр 70-тан тахса хампаанньата кыттара быһаарыллыбыт. Ол иһигэр АПК бөдөҥ хампаанньалара: «Мираторг», «Черкизово», «Эфко», «Балтика», «МАКФА», «Союзпищепром», «Объединенные кондитеры», «Славянка», «Русский краб», «СЗРК», «Эконива», «Комос», «БРПИ», «Дядя Ваня», «АБИ Продакт» уо.д.а. баар эбиттэр.
– «Арассыыйаҕа оҥоһулунна» дьаарбаҥка-бэстибээл Арассыыйа Кытайы кытары бииргэ үлэлээһинигэр, эргиэн-экэниэмикэ хайысхатыгар дьоһун хардыыны оҥоруоҕа. Биһиги хампаанньаларбыт бэйэлэрин бородууксуйаларын көрдөрүөхтэрэ уонна батарыыга саҥа хантараахтары түһэрсиэхтэрэ. Дьаарбаҥка-бэстибээл кэмигэр дегустация шоулара, маастар-кылаастар ыытыллыахтара, фольклорнай кэлэктииптэр кэнсиэртэрэ буолуоҕа, – диэн экспертнэй киин генеральнай дириэктэрэ Вероника Никишина иһитиннэрэр.
Бу туһунан Тас сибээскэ уонна норуоттар дьыалаларыгар министиэристибэ пресс-киинэ суруйар.
-
0
-
0
-
0
-
0
-
0
-
0
