Издательский дом Редакция Подписка
Погода в Якутске: . -21 oC

Сэбиэскэй кэмҥэ дойду үрдүнэн салайар-сирдиир оруолу ССКП Киин кэмитиэтэ ылара. Исидор Барахов Совнаркому салайан олорон, хомуньуус баартыйа обкуомун сэкирэтээрэ Е.Г. Пестуну кытары Дүпсүн улууһугар тахсан, биэс-алта оҕолоох, оччо сүөһүлээх ыал олоҕун-дьаһаҕын үөрэтэн, ынахтан ылар бородууксуйатын аһылыгар туттар, тириитин таҥас оҥостор, кыратык ордорунан күннээҕи тирээн турар кыһалҕатыгар туттар диэн ааҕан-суоттаан баран, тыа сирин ыала аҥардас айаҕын туһугар мөхсөр диэн түмүк оҥорбутун итиэннэ онно олоҕуран, оччотооҕу өрөспүүбүлүкэ бүддьүөтүн таҥмытын туһунан суруйаллар.

Сэбиэскэй кэмҥэ дойду үрдүнэн салайар-сирдиир оруолу ССКП Киин кэмитиэтэ ылара. Исидор Барахов Совнаркому салайан олорон, хомуньуус баартыйа обкуомун сэкирэтээрэ Е.Г. Пестуну кытары Дүпсүн улууһугар тахсан, биэс-алта оҕолоох, оччо сүөһүлээх ыал олоҕун-дьаһаҕын үөрэтэн, ынахтан ылар бородууксуйатын аһылыгар туттар, тириитин таҥас оҥостор, кыратык ордорунан күннээҕи тирээн турар кыһалҕатыгар туттар диэн ааҕан-суоттаан баран, тыа сирин ыала аҥардас айаҕын туһугар мөхсөр диэн түмүк оҥорбутун итиэннэ онно олоҕуран, оччотооҕу өрөспүүбүлүкэ бүддьүөтүн таҥмытын туһунан суруйаллар.


Кырдьык тыа хаһаайыстыбата барыһа суох салаа буоларын бары билэбит. Ордук бэйэбит кэтэх хаһаайыстыбатыгар сылгыны көрөр-истэр, сайын оттоон, оттотон, ороскуот бөҕөтүн көрсөн, кыһын ону кырата суох харчыга тиэйтэрэн аҕалтаран, биир өрөбүлэ суох кэтэх баайгын аһатан түбүгүрэн баран, түмүгэр биэҥ кытараан, кулуннаан, кураанах хааларыҥ элбэх буолар. Аны сылгы сүтэрэ, көлөттөрө эмиэ баар.
Сылгыны аҕалтарарга саамай чэпчэкитэ биир төбөҕө 1 тыһ. солк., 10 сылгыга 10 тыһ. солк. убаһа араара киллэрэргэ. Кыһын аһылыкка киллэрэргэ эмиэ оннук төлөнөр, дьиҥэр бу саамай сөптөөх тарыып, атын сирдэргэ өссө ыарахан дииллэр. Билигин өссө сатабыла суох федеральнай сокуон таҕыста, ноһуом иһин ыстараап диэн.
Убаһа элбээтэҕинэ, аны этэ атыыга аанньа барбат туруктаах, биир убаһа тыыннааҕынан 40-50 эрэ тыһыынчаҕа турар, оннук атыылаан орускуоккун даҕаны саптыбаккын. Оннук түбэлтэҕэ бириэмэни төттөрү эргитэн, Исидор Барахов оҥорбут түмүгэр эргиллэн кэлэбит: тыа сирин сүөһүлээх-сылгылаах ыала айаҕын туһугар мөхсөр. Арай, Тыа хаһаайыстыбатын научнай-чинчийэр института үчүгэйдик чинчийэн, убаһа этигэр чахчы «омега-3» баар, ол холестрины аҕыйатар, доруобуйаҕа туһалаах диэн аан дойдуну интириэһиргэтэр гына дакаастыыра буоллар, төһөтүн да иһин киһи аймах уһуннук олоруон баҕарар, сэҥээрэн ылыа эбиттэрэ буолуо. Сэбиэскэй кэмҥэ японецтар технологияҕыт, харайыыгыт мөлтөх диэн ылбаттар диэн кэпсээччилэр. Билиҥҥи сайдыылаах үйэҕэ технологияны таба туһанан убаһа этин батарыахха сөп эбитэ буолуо.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением