Издательский дом Редакция Подписка
Погода в Якутске: . 21 oC

Алтынньы 14 күнүгэр Ил Түмэн Судаарыстыбаннай Мунньаҕар видео-кэмпириэнсийэ көрүҥүнэн тыа хаһаайыстыбатын саҥа өйөбүллэригэр аналлаах “бырабыытылыстыба чааһа” буолан ааста. Көрсүһүүгэ Ил Түмэн Бэрэссэдээтэлэ Петр Гоголев, СӨ Бырабыытылыстыбатын бэрэссэдээтэлин солбуйааччытын э.т. Михаил Никифоров, тыа хаһаайыстыбатын миниистирэ Александр Атласов, тыа хаһаайыстыбатын миниистирин бастакы солбуйааччы Татьяна Осипова, норуот дьокутааттара, улуустар бэрэстэбиитэллэрэ кыттыыны ыллылар. Онлайн мунньаҕы Ил Түмэн Судаарыстыбаннай Мунньаҕын тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин салайан ыытта.

Алтынньы 14 күнүгэр Ил Түмэн Судаарыстыбаннай Мунньаҕар видео-кэмпириэнсийэ көрүҥүнэн тыа хаһаайыстыбатын саҥа өйөбүллэригэр аналлаах “бырабыытылыстыба чааһа” буолан ааста. Көрсүһүүгэ Ил Түмэн Бэрэссэдээтэлэ Петр Гоголев, СӨ Бырабыытылыстыбатын бэрэссэдээтэлин солбуйааччытын э.т. Михаил Никифоров, тыа хаһаайыстыбатын миниистирэ Александр Атласов, тыа хаһаайыстыбатын миниистирин бастакы солбуйааччы Татьяна Осипова, норуот дьокутааттара, улуустар бэрэстэбиитэллэрэ кыттыыны ыллылар. Онлайн мунньаҕы Ил Түмэн Судаарыстыбаннай Мунньаҕын тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин салайан ыытта.

СӨ Ил Дархана Айсен Николаев 2019 сыл ахсынньы 16 күнүгэр Ил Түмэн Судаарыстыбаннай Мунньаҕар туһаайбыт анал этиитигэр, тыа хаһаайыстыбатын өйүүр саҥа механизмнары олоххо киллэрэр уолдьаспытын эппитэ. Онон мунньах кыттыылаахтара эһиилгиттэн – 2021 сылтан – олоххо киириэхтээх саҥа өйөбүллэри кытта билистилэр.

Кэлэр сыллааҕы саҥа өйөбүллэри кытта тыа хаһаайыстыбатын миниистирэ Александр Атласов билиһиннэрдэ. Ол курдук, тыа хаһаайыстыбатын министиэристибэтэ субсидия чааһыгар саҥа сокуон бырайыагын оҥорбут. Онон кэлэр 2021 сылтан кэтэх хаһаайыстыбаларга уонна тыа хаһаайыстыбатын бородууксуйатын оҥоруунан дьарыктанар тэрилтэлэргэ харчынан көмө барыахтаах.

Миниистир эһиилгиттэн улуустар бүддьүөттэригэр кэтэх уонна тэрээһиннээх хаһаайыстыбалары өйүүр сыаллаах анал субсидиялар көрүллүөхтэрэ диэтэ. Александр Павлович: “Маннык көмөнөн өрөспүүбүлүкэ сүөһүнэн дьарыктанар кэтэх хаһаайыстыбалара, 16 улуус тэрээһиннээх хаһаайыстыбалара, сибиинньэ иитиитинэн дьарыктанар тирэх хаһаайыстыбалар, үөр сылгынан, оҕуруот аһынан уонна табанан дьарыктанар тэрээһиннээх хаһаайыстыбалар, тыа хаһаайыстыбатын бородууксуйатын астыыр тэрилтэлэр туһаныахтара”, – диэн бэлиэтээтэ.

Миниистир билигин үлэлии турар субсидия биирэ да сарбыллыбата диэтэ. Онон саҥа субсидиялар уруккуларга эбии көмө буолаллар.

Манна бэлиэтээн эттэххэ, эһиилгиттэн тэрээһиннээх эрэ хаһаайыстыбалар үүт туттараллар. Ол эбэтэр бааһынай хаһаайыстыба буолбатах кэтэх хаһаайыстыбалар үүттэрин ылбаттар. Ол оннугар, “компенсация” курдук, саҥа субсидия биэрэллэр. Ол гынан баран, хаһаайыстыбалар бэйэлэрэ соҕутуопкалыыр тэрилтэни кытта быһаччы дуогабар түһэрсэн, үүттэрин туттарыахтарын сөп.

Саҥа өйөбүлүнэн өрөспүүбүлүкэ кэтэх хаһаайыстыбалара бары туһаналлара былааннанар. Ол курдук, 2021 сылга биир ыанар ынахха 35 тыһ. солк ылыахтара. Оттон 2022 сылга – 45 тыһ. солк. былааннаммыт. Маннык көмө сүрүн ирдэбилинэн – сүөһү ахсаанын оннунан хаалларыы буолар. Ол эбэтэр, кэтэх хаһаайыстыба субсидия ылбыт сылыгар сүөһүтүн ахсаанын аҕыйатыа суохтаах. Ону тыа хаһаайыстыбатын министиэристибэтэ хонтуруоллуур.

Үөр сылгынан дьарыктанар тэрээһиннээх хаһаайыстыбалар 2021 сылга биир биэҕэ 1,5 тыһ. солк ылыахтара. 2022 сылга суумата 2,5 тыһ. солк диэри үрдүөҕэ.

Сибиинньэнэн дьарыктанар тирэх хаһаайыстыба биир ийэ сибиинньэҕэ 12 тыһ. солк көмөнү ылыаҕа. Оттон бурдук, оҕуруот аһын уонна хортуоппуйу үүннэрэр хаһаайыстыбалар ыһыылаах 1 гектардарыгар 10-35 тыһ. солк. тиийэ субсидияҕа тиксэр кыахтаныахтара.

Дьиэ табатын иитиини өйүүр механизм уларыйбакка оннунан хаалбат. Ол гынан баран, Булун улууһун 2 нэһилиэгэ уонна Уус Дьааҥы улууһун 1 нэһилиэгэ саҥа механизмҥа хапсаллар.

Тыа хаһаайыстыбатын бородууксуйатын оҥоруутун көҕүлүүргэ эмиэ субсидия былааннаммыт. Ол курдук, оҥорон таһаарааччыларга 1 туонна астаммыт үүккэ, эккэ, бурдукка уонна оҕуруот аһыгар 10-70 тыһ. солк. тиийэ көмө көрүллэрэ этилиннэ.

Мунньах кэмигэр норуот дьокутааттара тыа хаһаайыстыбатын миниистиригэр элбэх чопчулуур ыйытыыны биэрдилэр.

           

  • 0
  • 0
  • 0
  • 0
  • 0
  • 0

Комментарии (20)

This comment was minimized by the moderator on the site

Тыа сирин эһэр сокуон

This comment was minimized by the moderator on the site

Чааьынайы эьэр сокуон

This comment was minimized by the moderator on the site

Чааьынайы эьэр сокуон

This comment was minimized by the moderator on the site

Сыаьа согус сокуон чааьынайы Ким багалаах 50 солк уут туттарыа этэ ол оннугар тебеге 35 т харчытттан аккаастаннын ээ оннуга ордук уут туттарбатахтарына дьон 35 т ыллын маннык уураагы табаараргыт тыа дьонун абырып этигит

This comment was minimized by the moderator on the site

Олус септеех дьа4ал тахсыбыт.Итинник эрэ дьа4ал баар буолла5ына тыа ха4аайыстыбата эстиэ суо5а.Оччо5уна эрэ суе4у тутуутун ыарханын тулуйуохтара.Ким хотон улэтин этинэн хаанынан билбит дьон ейдуехтэрэ.Бу харчы тиийбэт кэмигэр тыа дьонугар улахан кеме онорон эрэллэриттэн олус уерэбит.Суе4уну э4иэх санаабыт тохтоото

This comment was minimized by the moderator on the site

Дьону сүрэҕэ суох оҥорллор,халявщиктар өйүүллэр ити сокуону.

This comment was minimized by the moderator on the site

Уеьэ олорор тойоттор иьиттэн кэтэх хаьаайыстыбалаах дьон кыьал5атын барытын билбэккэ арыый да сыыьалаах быьаарыныыны ылыммыттар. 35 тыь ылбыт ынаххын туттуо суохтааххын диэн дии. Арай от ууммэтин, арай ынах эчэйдин, керер киьи ыарыйдын бу харчыны ылбыт буоллахпына тенуннэрэбин дуо? Хайдах дьыл, кэм кэлэрэ биллибэт, ону олох учуоттаабаттар эбит.

This comment was minimized by the moderator on the site

Туох да учугэйэ суох чааhынайы эhэр сокуон. Эhэр санаабыт тохтоото буолан

This comment was minimized by the moderator on the site

Бэртээхэй сокуон

This comment was minimized by the moderator on the site

Туох да учугэйэ суох закон, эмиэ уут туттара сатаан сымыйанан тэрээьиннээх хаьаайыстыба оносто сатыахтара кумаагыга эрэ, тыа хаьаайыстыбатын министерствотын еттуттэн туох да хонтуруол суох.

This comment was minimized by the moderator on the site

Албыннааьын беге тахсыага Ким документацияны сатаабыт барыьырыа чааьынай дьон уут туттараары суеьу ииттэр бааьынай чааьынай диэн араарбакка барыларын 50 солк онорун

This comment was minimized by the moderator on the site

Бэртээхэй сокуон таьаарбыттар. Биир бэҋэм биьирээтим. Улэьит киьини өҋөөбуттэр, нууччалыыта мотивациялаабыттар. Уп-харчы баар буоллазына эрэ матырыйаал, саппаас чаас,сэлээркэ ылан сайылык туттан. Куруе-хаьаа оностон ,оттоон, эбии ас атыылаьан сайдар буоллахпыт. Убу-харчыны сөпкө аттарынан туттуохха, уонна сайдыахха. Хаьаайыстыбазыт кэнээтэзинэ дьэ ИП буолаарын. Ууту-эти дэлэтээрин. Бу сокуону таьаарбыт тыабыт хаьаайыстыбатын министиэристибэтэ, тыа сирин улэьит дьонун өҋуурун көрдөрдө. Ынахтарбын өссө элбэтииьибин.

This comment was minimized by the moderator on the site

Биир бэйэм суе4у тебетугэр харч
ы биэрэллэрин сирбэппин.Уут харчыта кырата хомоттор да Арай олох себулээбэтим отчет онорорбутун.Ки4и бэйэтэ билиэхтээх буолла5а дии.Туох кы4ал5а баарынан туттарын.Ки4и кы4ал5атын харчы буелуур буолла5ына ким суе4утун э4иэй.Ессе элбэтэ сатыа

This comment was minimized by the moderator on the site

35 т ыанар ынах аайы биэрэллэраны онтубутун отчуоттуугут дииллэр тугун эмиэ отчуотай ынахтаах дьон ороскуота элбэх буоллага керуутэ да элбэханы ол харчы ылан баран ынаххын туттубаккыт диэн туохтарай ол хаьан багар туттарыа кенул буоллага

This comment was minimized by the moderator on the site

Дьэ дьикти сокуон, биир илии биэрэр,биирэ онноо5ор элбэ5и ылар. Сыл аайы правит.улуустары кэрийэ сылдьан отчуоттур -Мин.С/х миллиардынан харчы керуллэр диэн,тыа5а онтон 000 да тиибэттэр,сыл устата призрак курдук сутэн хаалар.тыа киьит кулуу кынааьын 10с.болан ситэри босхо диэхтэрин, ыьаан-ыьаан,сиэн-аьаан баран холбу сатыыллар ,тыа5а хотону 60- 70саастаах дьон тутан олорор,а5ыйах 50-х ыал баар.Ыччаты стимулуозха наада: стаж аа5ан, сусидия хаччахтаабакка биэрэн,техника оччо5о син теннуо этилэр тыаа5а. Бу саастах киьи тус бэйэм санаам.

This comment was minimized by the moderator on the site

Саамай сепке этэгин суеьу кербетех дьон олорор правительствога

This comment was minimized by the moderator on the site

ити сокуоцца туох да уларыйыы суох диэн кердум, теттерутун унур телевизорга 35 т.ылан баран отчуоттуугун, аны сыалыгар суеьугэ эрэ тутта5ын, мин наадабар ханна ба5ар туттуохтаах буолла5ым, аыцца туьаннаххына теттеру ылабыт, уонна уут туттарбатаххына 13% подоходнай налог телуугун диэн ейдеебутум, ол кэриэтин билицци курдук теьену туттардым, ону ыларым быдан ордук

This comment was minimized by the moderator on the site

35 тыьыынчаны биэрдиннэр уонна ууту 50 солкуобайга туттуннар ээ дьэ оччо5уна тыа хаьаайыстыбата сайдыа?

This comment was minimized by the moderator on the site

ЛПХ ыанар ынагар 35 тыһ. солк. бэриллэрэ сөптөөх быһаарыы. Онтон ити харчыны хайдах туттуубутугар ирдиир докуменнарга саппаас чаас, дизтоплива, өҥөнөн туһаныы киирбэтэ өйдөммөт, уонна хаарчахтааһын өйдөбүлүн соҥнуур.

This comment was minimized by the moderator on the site

35 кеме субсидия диэн ылабыт уонна уут туттарыыта того 10солк быьыллыбыта ейдеммет. Заготовитель атыылыыр сыаната 1кг ууту80р суегэйэ 450р арыыта 500р буолар буоллагына.

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51