Норуот дьокутаата Андрей Находкин этэринэн, «О наделении органов местного самоуправления муниципальных районов и городских округов РС (Я) отдельными государственными полномочиями по поддержке сельскохозяйственного производства» сокуон бырайыагын Бүддьүөт кодексын 140-с ыстатыйатыгар сөп түбэһиннэрэн оҥорбуттар. Үчүгэйэ диэн, манна туораахтаах култуураны үүннэриини, оҥорон таһаарыыны өйүүр туһунан этиллибит. Итини таһынан субвенция уопсай кээмэйин чопчулуурга, муниципальнай тэриллиилэринэн үллэрии киритиэрийдэрин бэрээдэктииргэ уларытыылары киллэрбиттэр.
"Бу сокуон бырайыагын балаҕан ыйыгар Ил Түмэн Судаарыстыбаннай Мунньаҕар көрүөхпүт. Тыа хаһаайыстыбатын оҥорон таһаарааччыларыгар субсидияны биэрии саҥа ньыматын 2021 сылтан саҕалыыр соруктаахпыт. Бу сокуон барыла Ил Дархан «О стратегических направлениях развития сельского хозяйства РС (Я)» Ыйааҕар, итиэннэ Аҕа баһылык Судаарыстыбаннай Мунньахха туһаайан этиитин сүрүн балаһыанньаларыгар олоҕуран оҥоһулунна", -- диир парламентарий.
-
0
-
0
-
0
-
0
-
0
-
0
